આયો હૈ અવધૂત જોગી

આયો હૈ અબધૂત જોગી કન્હૈયા દિખલાવૈ હો માઈ ॥ધ્રું॥

હાથ ત્રિશૂલ દૂજે કર ડમરુ સિંગીનાદ બજાવૈ ।

જટા જૂટમેં ગંગ વિરાજૈ ગુન મુકુંદકે ગાવૈ હો માઈ ॥૧॥

ભુજંગકૌ ભૂષણ ભસ્મ કૌ લેપન ઔર સોહૈ રુંડમાલા ।

અર્દ્ધચંદ્ર લલાટ વિરાજૈ ઓઢનકોં મૃગછાલા ॥૨॥

સંગ સુંદરી પરમ મનોહર વામભાગ ઇક નારી ।

કહૈ હમ આયે કાશીપુરીતેં વૃષભ કિયેં અસવારી ॥૩॥

કહૈ યશોદા સુનૌ સખીયૌ ઇન ભીતર જિન લાઔ ।

જો માઁગે સો દીજો ઇનકોં બાલક મતી દિખાઔ ॥૪॥

અંતરયામી સદાશિવ જાન્યૌ રુદન કિયૌ અતિ ગાઢૌ ।

હાથ ફિરાવન લાઈ યશોદા અંતરપટ દૈ આડૌ ॥૫॥

હાથ જોરિ શિવ સ્તુતિ કરતહૈં લાલન બદન ઉઘારયૌ ।

સૂરદાસ સ્વામી કે ઊપર શંકર સર્વસ વારયૌ ॥૬॥