ગોવિંદ બારબાર મુખ
કીર્તનના શબ્દો
ગોવિંદ બારબાર મુખ જોવૈ ।
કમલનૈંન હરિ હિલકિન રોવત બંધન છોડિ યહ સોવૈ ॥૧॥
જો તેરૌ સુત ખરૌઈ અચગરૌ અપની કૂખિ કૌ જાયૌ ।
કહા ભયૌ જો ઘરકૌ લરિકા ચોરી માખન ખાયૌ ॥૨॥
નઈ મટુકિયા દહ્યૌ જમાયૌ દેવ ન પૂજન પાયૌ ।
તિહિં ઘર દેવ પિતર કાહેકે જિહિ ઘર કાન્હર આયૌ ॥૩॥
જાકૌ નામ કુઠાર ધારહૈ યમકી ફાઁસી કાટૈ ।
સો હરિ બાઁધે પ્રેમ જેબરી જનની સાઁટ લૈ ડાટૈ ॥૪॥
પરમાનંદદાસકૌ ઠાકુર કરત ભક્ત મન ભાયે।
દેખિ દુખિ યે સુત કુબેરકે લાલજૂ આપ બઁધાયે ॥૫॥